Праграма ўступнага экзамену ў магістратуру па спецыяльнасці 1-21 80 11 мовазнаўства

Брэст: Брэсцкі дзяржаўны ўніверсітэт імя А.С. Пушкіна, 2011. — 23 с.Курс сучаснай беларускай мовы з’яўляецца важным складнікам агульнай філалагічнай адукацыі, спрыяе фармаванню асобы чалавека праз далучэнне да гісторыка-культурнай нацыянальнай спадчыны беларусаў, праз вывучэнне мовы як найважнейшага элементу нацыянальнай культуры, як духоўнага скарбу нацыі. Засваенне курсу сучаснай беларускай мовы з’яўляецца адной з найважнейшых умоў фармавання лінгвістычнай кампетэнцыі спецыялістаў-філолагаў, у тым ліку магістрантаў, супрацоўнікаў навукова-даследчых устаноў. Прапанаваная праграма ўключае сістэмны курс беларускай мовы і скіравана на асэнсаванне мовы як нацыянальнай каштоўнасці і як грамадскай з’явы, на засваенне сістэмы беларускай мовы, яе ўзроўняў, асноўных моўных законаў, паняццяў і працэсаў. Матэрыял праграмы скіраваны на тое, каб актуалізаваць засваенне курса сучаснай мовы з іншымі лінгвістычнымі дысцыплінамі – гісторыяй беларускай літаратурнай мовы, гістарычнай граматыкай, дыялекталогіяй, уводзінамі ў мовазнаўства, агульным мовазнаўствам, стылістыкай і культурай маўлення. Прапанаваная літаратура ўключае найбольш важныя навуковыя працы па ўсім курсе і па асобных раздзелах мовазнаўства, а таксама слоўнікі, атласы.